盲目素食者!!

【蘋果日報】八月一日

拒 接 觸 「 動 物 墳 墓 」

訪 問 過 157 名 純 素 食 者 後 ， 當 地 坎 伯 雷 特 大 學 （ Canterbury University ） 人 類 及 動 物 學 專 家 波 茨 （ Annie Potts ） 發 現 ， 不 少 女 受 訪 者 會 對 葷 食 男 性 心 動 ， 卻 拒 絕 與 他 們 性 交 ， 因 為 她 們 認 定 ， 葷 食 者 的 身 體 是 由 許 多 塊 動 物 碎 屍 構 成 ， 滿 身 肉 臭 。 波 茨 稱 這 些 人 做 「 純 素 戀 者 」 （ vegansexual ） 。
純 素 食 者 克 里 克 （ Nichola Kriek ） 認 為 ， 葷 食 者 的 身 體 「 就 是 動 物 的 墳 墓 」 。 另 一 名 「 純 素 戀 者 」 說 ： 「 動 物 為 這 些 人 而 死 ， 我 不 想 與 他 們 有 親 密 接 觸 。 」

呢啲所謂純素食者都幾昂居,
人類天生就是雜食嘅生物,
而肉類根本就是其中一種吸收營養的來源,
什麼是"葷食者的身體是由許多塊動物碎屍構"?
我話佢哋都低能嘅,
一樣有人話植物有生命有意識囉,
唔通你又唔食咩?
淨喺吸風飲露呀?
我話佢地都低低哋,
知唔知什麼是『過尤不及』呀?
凡事攞個平衡,
不濫殺動物,
不浪費地球資源,
飲食均衡不偏食,
身心保持開朗,
這樣就是真正健康嘅生活同態度啦,
明唔明呀你哋班極端素食盲毛??

不知所謂的淫審處

法國畫家布雪（F. Boucher）的油畫 《赫拉克勒斯與翁法勒》

一本名為《愛情神話》的書籍,
本來會在今年書展展出,
但由於書內有不少名畫家的裸體插畫,
所以被影視處指可能被評為二級不雅物品,
勸喻不要在書展展出,
雖然其後改口不認,
但己經完全顯示出影視處的無知和封建思想!

其實早前文藝復興藝術家米高安哲奴的「大衛像」.
都曾被淫褻物品審裁處被評為「二級不雅物品」.
這不是天大的笑話是什麼?
裸體就是淫穢?
這是什麼準則?
難道收藏了大量裸露藝術品的大英博物館和巴黎凡爾賽宮都是禁地嗎?
要不要一併都給我們關掉它呢?
我極度關注淫審處的準則和內裏人員的背景,
我們是不是要回到封建年代的方式去生活吧?
予其說裸露就是淫穢,
不如說是淫審處心有歪念吧!
心有歪念就是看見一隻腳指也會聯想到淫念去,
要反省的是這些假道學人仕的腦袋!
還說香港是國際大都會,
這樣是國際大笑話才真!

官僚害事

【蘋果日報】七月十八日

老翁暴屍16小時警方 消防食環署官僚害事
一宗「屍體發現」案件，揭示三個政府部門協調混亂、互相卸責的官僚作風。 一名失蹤數天的八旬老翁，前日下午已被人發現倒斃在藍田廣田邨一條引水道內，雖然警務處、消防處和食環署分別接獲通知處理，但屍體由日落等到日出，整整16小時後才被運走。

早前看雜誌認識了一個名為"榕光社老人服務團"的機構,
他們是一個專幫助年老無依的老人家辦身後事,
由棺木安排到守夜,燒衣等等都是由一兩名義工代勞,
由於政府資助有限,
這些義工很多時候都要自貼車費,白金,
他們這樣做只是希望單身老人死後得到尊重,
因為政府安排没有親人的死者時,
只會在墓碑上劃上號碼,不留名字,
七年後起骨火化,
從此灰飛煙滅一點不留!

回看今次這件事件,
可以見到不少政府部門做事官僚,
不管誰對誰錯,
要死者屍首暴野十六小時實在太不敬,
雖然不是所以政府人員都是這樣,
但這些不合情理的事情時有聽聞,
那又叫大眾市民怎可以認同曾特首說香港的公務員是世界最傑出之一呢?

笑談Nude Drawing

By Portrait artist Roger Simpson

前幾天看見茂斯blog裏的一些nude drawings,
想起一些讀design時的有趣事,
那時一個星期有兩節nude drawing,
記得第一次臨上課時心情有點緊張,
因為是首次可以名正言順的細看女性的胴體!

那個model入來的時是穿著浴袍,
但不久就十分自然的脫到一絲不掛,
四週的男生都立刻低頭顯得很不自然,
而數個女生則偷偷的在面面相覷,
在lecturer的摧促下,
我們開始了第一次的nude drawing lesson,
Studio裏氣氛十分靜,
只聽到呼吸聲和炭枝在畫紙上的磨擦聲,
model每十五分鐘就會轉一個post,
而大家都不斷在走位,
但不少同學都只是聚集在她背後,
只有一兩個同學大膽的坐在她前方,
而以超近的距離作『深入的描寫』!

當大家都聚精會神劃着的時候,
我看見傍邊那位男生兩面脥通紅,
加上他不停的在吞口水,
所以又給另一邊的男同學發現了,
那時大家都暗暗的偷笑,
下了課還不斷的拿他來做笑柄,
而且還給他起了一個『咸濕仔』的花名,
害他被大家取笑了好幾個月!

落兩喇!收衫呀~~~

落兩喇~~~
收衫喇~~~
倒塔咁早就黎落大兩想點架?
搞到我要拿拿起身出騎樓收衫,
啲衫重淋濕咗啲呀,
又要再曬過,
真喺激鬼死!

好落唔落,
等我起咗身先落嘛!

觀塘略影: 推車老婦

我見過這個婆婆好多次,
每次都是推着木頭車執紙皮,
她的腰肢永遠都是九十度,
好像是伸不直一樣,
我想是老人骨骼問題,
她時常在馬路中央推車,
不會理會有没有車輛經過,
真的擔心揸車的會看她不到,
自食其力本來是好的,
但見到這樣的情境真的有點心酸,
難道她是没有親人的??

觀塘略影：早上

早上五時廿分，

在露台向外望，

天色依然暗藍，

一切都很寧靜，

只有鳥兒歌唱，

陣陣涼風吹來，

那感覺很舒暢！

兩面的罐頭

小時見到『它』時覺得好驚訝,
第一次用罐頭刀開了一面,
發覺只得半罐,
以為畀人呃咗,
後來才知道原來是兩面開,
一面放辣味的炸菜，
另一面是淡味的肉絲，
兩種味道混合一起才是最好味，
但永遠都覺得炸菜過多，
肉絲往往給那種辛辣味蓋過了！

其實兩邊的份量都差不多，
只是辛辣的味道會給我們流下更深刻的印象，
對生活的感受也是差不多，
總會覺得挫敗悲哀較多，
開心的事情只屬少數，
其實苦樂參半才是生活，
就好像食炸菜肉絲一樣，
只食一面是不知其滋味，
但不是人人都會欣賞，
因為並非每個人都知道『它』是有兩面的！

好Pro的清潔阿嬸

無錯,又喺MOS Burger,
不過今次唔喺講佢點好食，
而喺要讚喺APM food court工作的清潔阿嬸，
佢哋充份做到照顧週到，
顧客為先，抵讚！

話說我買咗個套餐連飲品，
點知好衰唔衰行到埋枱邊就倒瀉咗半杯，
我都知道有些食店你同佢講佢會畀過杯你，
但喺男人老狗咁樣好肉酸架嘛，
還便有半杯喺度，稔住算把啦，
點知有兩個清潔阿嬸見到，
佢哋唔單止幫手清潔返張枱，
重主動問我喺邊間買,
後尾重攞咗我個杯去幫我倒過杯,
佢唔幫我又唔會有人話佢哋嘅,
哩啲先至叫優質服務嫁嘛,
真喺非常值得讚許,
阿嬸,我畀個Mr Smile你！　:-)
抵讚！

師奶救兵萬歲！

唔好睇少一個幾毫，
學新鮮媽話齋搭巴士你少個"崩"都唔得呀!
以前覺得慳埋啲師奶數浪費時間,
後來做得笨人多,
而家買嘢都會"格"吓價,
所謂少數怕長計!

尤其喺搬出黎住,
洗費多咗好多,
慳埋慳埋你唔好話唔襟計,
好似啲洗頭水,沐浴露,洗衣粉...我實去藥房買,
有時差成七八蚊架,
你都唔好話啲師奶數婆媽小家,
慳吓慳吓一個月就成千蚊!

前幾日去百佳買罐草菇，
攞咗稔住去畀錢之際，
有個亞婆攞住另一礶草菇走埋黎問我可唔可以一齊畀錢，
佢話買兩礶可以平三毫喎，
咁我又無物所謂，
後來佢無散錢畀返我，
我又少收佢一毫，
開心到佢笑咪咪，
有時會稔，
如果只是慳一個幾毫就咁開心都幾好，
一毫錢就使你開心一陣喎，
你話唔喺好抵咩？

貓狗鬥一番

圖片:蘋果日報

搬了來這裏大半年,
發覺這條街真的很多人養貓或狗,
無論朝早或夜晚都見到人放狗,
本來對對別人養貓狗無什麼意見,
但是愈來愈感到它們對其他人有不好的影響.

這條街平時十分寧靜,
但是每隔一兩天就會聽到貓隻打架爭地盤,
你知不知貓發怒時是怎叫的?
就好似一個尖叫大哭的嬰兒一樣，
而且往往斷斷續續持續半小時，
十分吵耳難耐，
對住在附近的人極為騷擾！

有些放狗的人十分無公德心，
時常不把狗隻拖緊，
狗隻在街上相遇就會互相叫吠，
這樣不單會製造噪音，
而且不少時候會有打鬥出現，
對其他路過行人做成不安，
要知道不是每一個人都喜歡貓狗的．

每個放狗的人，
多會帶備報紙和清水來清潔狗隻的排泄物，
但這條街的人多數只會帶報紙，
當他們的狗隻隨便在別人的汽車，門旁灑尿時，
他們都會視而不見，
因為他們根本没有帶備清水來清理，
有些更甚的是兩手空空就放狗，
好明顯他們並不會清理狗隻的糞便，
尤其是近日不斷下雨，
當雨水灑落狗糞上化成液態狀真是極端噁心，
對於這樣没有公德心的人，
我提意一經檢控就應該剝奪他們養狗的權利，
以免誤狗誤人！

趕壞腦！

我有一個壞習慣,
就是啲嘢唔急到屎淋尿頼都唔做,
我都知喺壞習慣,
但喺早早開工又無靈感,
稔埋稔埋啲都喺垃圾,
攞出去實畀人笑大個口,
喺要到最後關頭先嘔到料!

有時喺幾奇怪,
愈急愈逼個腦就轉得愈快,
邦邦聲就有好多idea喺咁湧出黎,
跟住唎唎啦啦快手快腳就ko咗件job!
次次喺咁都幾犯賤,
有無啲神奇藥丸食咗會早啲出到idea架,
咁我就唔洗成日趕頭趕命啦!

正白痴推銷手法！

警告:本篇用字十分粗鄙,不喜勿看喎!

我對而家啲電話推銷極之討厭,
唔喺討厭佢哋打電話來騷擾我,
而喺好憎佢哋啲白痴對話方法!
本來人哋揾兩餐亦無可厚非,
但喺一打黎就一輪嘴咁講嘢,
完全唔理你,不停不停咁講,
叫佢停一停有嘢要問佢又好似聾咗咁,
又喺繼續不斷咁自己講嘢,
都唔知喺邊啲白痴敎佢哋哩種溝通方式,
差不多個個都喺咁,
一味諗口黃咁自己講嘢!

頭先剛剛又有一個123嘅sale打黎,
又喺咁,有佢講無你講,
用物嘢plan,有幾多著數,
佢都幫我講哂,
又快又急又好似失聰咁,
我講物佢都唔理,
搞到我把幾火,
於是fxxk咗佢兩嘢就cut佢線,
而家想返都火滾,
用咁白痴嘅推銷法,
不如返屋企早抖啦,
佢阿媽生錯佢吖!

十二歲做援交！！

【太陽日報】五月廿一日訊

一名留學美國的年輕富家子...涉嫌透過互聯網廣徵未成年處女，支付二千至五千元，利誘到酒店房間大搞淫亂性交，警方接獲其中一名年僅十二歲失身女童家長的舉報後，昨日掩至酒店，見有人正與另外兩女童大被同眠。富家子涉及多項「與未成年少女發生性行為」罪名被捕，三名分別十二至十六歲的女童亦被邀返警署提供資料，警方不排除有其他少女被誘失身，已展開調查。

看過這單新聞,
我對香港的失業率感到非常樂觀，
因為一個年僅十二歲的小妹妹都有工開，
相信一定會把本港的失業率進一步拖低啦！
其實早前都看到一些十二三歲嘅囡囡喺互聯綱上做『媒人』，
以純熟的技巧替朋友找客仔幫襯，
年紀輕輕就對社會咁有『貢獻』，
你話喺唔喺『可喜可賀』呢？
佢哋咁『成熟』,
相信一定要歸功於社會資訊的『協助』和『教導』!

以前我哋會講啲細路:『身體成熟,思想幼稚』,
但現在要改做:『身體幼嫩,思想老練』才對!
我想講當而家資訊發逹,
大人細路都可以隨意接觸到任何資訊時,
你們隨口講着的什麼亂倫獸交的同時,
不要以為掛着『言論自由』和『談情論性』的免死金牌就可以,
要知道你們隨口一句都可能會對兒童帶來不良的影響,
你們又不是有系統有意識的作出專門討論,
隨便胡言亂語就可以提倡性知識討論嗎??
當大家都指責着不少報章的副刋意識不良時,
難道中大學生報也想來個推波助瀾嗎?
要講就要正正經經做足資料搜集,
再綜合專家意見和衡量用字遣詞，
唔好隨口噏當秘笈先得架！！

櫻桃小嘴與藍莓味麵包

『物嘢黎架?』
『藍莓味麵包囉!』
『好似好好味咁喎!』
『點會呢?我諗會好難食!』
『可唔可以畀啖我試呀?』
『.....你會唔會一啖食哂架?』
『梗喺唔會啦,你睇吓我個喺櫻桃小嘴黎之嘛!』
『但喺我見到你個喺血盆大口喎....』
『唔喺話,我個嘴同啲日本能劇女人個嘴一樣咁細之嘛!』
『你當我盲架,畀你食一啖一定渣都無埋呀!無得食呀!』
『鳴鳴~~~~正自私鬼！！』

Oliver Super Sandwiches

星期天落雨天，
物心情都無哂，
七點幾起咗身，
無物嘢可以做，
去AMP食早餐,
人又少舖未開,
唔會撞吓撞吓,
好舒服好寧靜,
去超級三文治,
食個西式早餐,
扮吓懶有品味,
一路食一路嘆,
人生一大樂事,
由得佢落大雨,
無影響我心情,
Have a nice morning! ^0^

MOS 漢寶包

今日終於得嘗傳說中的摩斯漢寶,
試了原味的摩斯漢寶和元氣漢寶,
兩者味道相約,但前者的醬汁較多,
味道的確比麥記的好吃很多,
不單醬汁豐富,而且麵包軟口,
再加上新鮮的蕃茄和生菜,
的確是不錯的選擇!

如果真的要與麥記的相比,
我覺得最大的分別在於醬汁方面,
摩斯的漢寶包明顯的比麥記juicy,
不會像麥記的那樣乾巴巴難以吞嚥,
而且又有較多的新鮮蕃茄疏菜,
口味方面亦恰到好處,
無須加入大量茄調味,
這是麥記望塵莫及的,
但我對內裏的牛肉片則有點失望,
不像口碑所說的那樣特別,
只是比麥記較鬆軟好味一點,
算是及格之作罷了!

價錢方便當然貴多了，
所謂一分錢一分貨,
單價亦要$20元一個,
如果加上小食和汽水則要$30-40元一份,
但對於我這種不愛吃漢寶包的人來說,
這樣的價錢配這樣的質數己是相當不錯,
我是十分推薦大家一試,
相信試過後你都不會再食麥記的『垃圾漢寶包』了!